Հոգևոր երգ բաժին

Ամանորյա և Սուրբ Ծննդյան երգեր, ավետիսներ 2022

Ավետիսները Քրիստոսի ծնունդը ավետող երգեր են: Դրանցում արտացոլված են Քրիստոսի ծննդյան ու կյանքի վերաբերյալ ժողովրդական ընկալումները, Փրկչի առաքինությունների, հրաշագործությունների գովերգը և այլն: Երբեմն հանդիպում են նաև երգեր, որտեղ հնչում են ընտանիքին արվող բարեմաղթությունների թեման և որոնցում բացակայում են Քրիստոսի ծննդյան հետ կապված թեմաները: Այդ երգերը նույնպես կոչվում են «Ավետիսներ»: Բոլոր երգերը վերջանում են «Քրիստոս ծնավ և հայտնեցավ, մեզի, ձեզի մեծ ավետիս» խոսքերով:

Գյուղերում Ծննդյան երգերը հիմնականում երգել են երեխաները և պատանիները: Այսպես երգելով մտնում էին գյուղի գրեթե բոլոր տները: «Ավետիս պտտողներին» գյուղացիները տալիս էին ձու, յուղ, դրամ և ուրիշ նվերներ:

Ամանորյա և Սուրբ Ծննդյան երգերը շատ սիրելի են ողջ քրիստոնյա աշխարհի համար: Երգերում արտացոլված են Տոնին բնորոշ խինդը, ցնծությունը, հրճվանքը:

• Սուրբ Ծննդյան ավետիսներ, տաղեր, շարականներ. երաժշտական փաթեթ 
• Ամանորյա և Սուրբ ծննդյան հայերեն երգեր
• Ամանորյա և Սուրբ Ծննդյան օտարալեզու երգեր
• Ամանորյա և Սուրբ Ծննդյան երգեր միասնական կատարումների համար

Սուրբ Հարության տաղեր, շարականներ ունկնդրման, կատարման համար:

 Հունիսի 21-ին «Մխիթար Սեբաստացի» կրթահամալիրի մի խումբ ուսուցիչներ կրկնակի աղոթքով   իրենց  օրը սկսեցին Սուրբ Երրորդություն եկեղեցում:

Մայիսի 31-ին Սուրբ Երրորդություն եկեղեցում տեղի ունեցավ հերթական ուսումնական ժամերգությունը, որի պատասխանատուն էր կրթահամալիրի Քոլեջը:

Մարինե Մկրտչյան և ընկերներ

Մայիսի 30-ին Հառիճում տեղի ունեցավ հոգևոր երգերի փառատոն։ Մարզային այս փառատոնը ամենամյա է, մասնակցում էին Շիրակի մարզի սովորողների, ուսուցիչների երգեցիկ խմբեր, եկեղեցական և այլ երգչախմբեր։ Այս տարի այն համակարգում էր Խազեր համույթի խմբավար, կրթահամալիրի երաժիշտ Անի Նավասարդյանը։ Փառատոնին իր մասնակցությունը բերեց նաև Սեբաստացիներ ուսուցչական երգչախումբը։

Առաջին մասում եկեղեցու բակում երգերի ուսուցում միասնական կատարումներ էին, երկրորդ մասը՝ հոգևոր երգերի համերգ էր վանքում։

Աղբյուրը՝ Սեբաստացիներ ուսուցչական երգչախմբի բլոգ

Մայիսի 17-ին՝ մայիսյան 14-րդ հավաքի հինգերորդ օրը, Սուրբ Երրորդություն եկեղեցում տեղի ունեցավ այս տարվա ամենամարդաշատ  «Ուսումնական ժամերգություն» ամփոփումը:  Պատասխանատուն էր Արևելյան դպրոցը: Բոլոր դպրոցները  ներկայացան առանձին հոգևոր համարներով, իսկ երաժշտության դասավանդողները՝  առանձին  կատարումներով: Ժամերգությանը մասնակցում էին վերապատրաստվող դաստիարակները և Ջավախքից ժամանած սովորողների մեծ խումբը:

Մայիսի  3-ին  և 10-ին Սբ. Երրորդություն եկեղեցում տեղի ունեցան ուսումնական ժամերգություններ, որի պատասխանատուներն էին  Հարավային և Արևմտյան դպրոցները:

Աղբյուրը՝ Հասմիկ Մաթևոսյանի բլոգ

«Սեբաստացիներ» ուսուցչական երգչախմբի  երաժշտական, մշակութային մեկ օրը:

Ավելին՝ «Սեբաստացիներ»  ուսուցչական երգչախմբի բլոգում

Ապրիլի 19-21-ը Մխիթար Սեբաստացի կրթահամալիրի Արևմտյան դպրոց-պարտեզի 5-րդ դասարանի սովորողները Շիրակի մարզում էին:

Սեդա Թևանյան և ընկրերներ

Ավելին՝ Սեդա Թևանյանի բլոգում

Ապրիլի 19-ին  Սբ. Երրորդություն եկեղեցում կայացավ հերթական «Ուսումնական ժամերգությունը»: Այս անգամ ժամերգությանն էին մասնակցում նաև Ստամբուլի Բոմոնթի Մխիթարյան վարժարանից ժամանած խումբը: Ժամերգությունը նախազատկական էր: Պատասխանատուն էր Արևելյան դպրոցը: