Մշակութային անցուդարձ բաժին

Նելի Փիլոյանի նախաձեռնությամբ կրթահամալիրը համալրվեց նոր Պոլսից բերված երաժշտական գործիքներով:

Աղբյուրը՝ Նելի Փիլոյանի բլոգ

 Դեկտեմբերի 20-ին «Գեղարվեստը կրթահամալիրում» համերգ-ներկայացմանը   Մարինե Մկրտչյանի գլխավորությամբ հանրակրթական երգչախմբերը հանդես եկան «Ման արի» և «Հոփ չըկը, չըկ» ժողովրդական երգերով:

Աղբյուրը՝ Մարինե Մկրտչյանի բլոգ

Հայ-թուրքական կրթական կամուրջներ

Ստամբուլում  Միջին և Ավագ դպրոցների  նախագծային խմբերը եղան հայկական մի քանի եկեղեցիներում, մասնակցեցին պատարագին, ծանոթացան կառույցների ճարտարապետական  ոճին,  հանդիպեցին հագևոր աստիճանավորների և համայնքի անդամների հետ:

Ղալաթիո Սբ. Գրիգոր Լուսավորիչ եկեղեցում նախագծային խմբերով ներկայացրեցինք «Ուսումնական ժամերգություն» նախագիծը, որի ընթացքում մեզ միացան բազմաթիվ ստամբուլահայեր: Ակնթարթում ստեղծվեց հոգևոր երգչախումբ: Միասնական երգեցողությունը և աղոթքը միավորեց բոլորիս:

Աղբյուրը՝ Հասմիկ Մաթևոսյանի բլոգ

Ստամբուլ ժամանած նախագծային խմբերը եղան Պոլսո հայոց պատրիարքարանում:  Նրանք շրջեցին պատրիարքարանի շենքում, եղան  «Հովհաննես Կոլոտ» պատրիարքի անվան թանգարանում, ծանոթացան տեղի հոգևոր, նյութական ժառանգության հետ, որից հետո պատասխանատու Վաղարշակ սարկավագ Սերոբյանը գլխավոր ընդունելությունների սրահում  պատասխանեց սովորողներին և դասավանդողներին հուզող հարցերին: Այցը ամփոփվեց պատրիարքարանի Մայր տաճարում Ուսումնական ժամերգությամբ:

Աղբյուրը՝ Հասմիկ Մաթևոսյանի բլոգ

 Նոյեմբերի 30-ի Մեդիաուրբաթ-համերգին  Հյուսիսային դպրոցը ներկայացավ  վիպերգերով, առասպելներով, էպոսով:

Հետաքրքիր մատուցման շնորհիվ սովորողները շատ արագ սիրեցին ու ներկայացրին ողջ դյուցազներգությունը:

«Սեբաստացիներ» վոկալ համույթը «Հայ – վրացական կամուրջներ» նախագծի շրջանակներում՝ Սայաթ Նովայի երգերով ներկայացավ Առնո Բաբաջանյան համերգասրահում:

Աղբյուրը՝ Մարինե Մկրտչյանի բլոգ

Նոյեմբերի 21-ին «Մխիթար Սեբաստացի» կրթահամալիրի համերգային դահլիճում սեբաստացիները  հյուրնկալեցին «Նաիրյան» վոկալ համույթին (գեղարվեստական ղեկավար՝ Նաիրա Մուղդուսյան):

Նկարաշարը՝ Անի Սարգսյանի

Տեսանկարահանումը  և մոնտաժը՝ Մարինե Մկրտչյանի