«Դաս-համերգ» նախագիծ

Նախագիծ.  «Դաս-համերգները նախակրթարանում, կրտսեր և միջին դպրոցում»

Դաս-համերգների նպատակը

• սովորողների երաժշտական կրթում,
• նրանց մոտ երաժշտական մշակույթի ձևավորում,
• երաժշտական և գեղարվեստական մտածողության ձևավորում:

Խնդիրները                                                   

• երաժշտություն ունկնդրելու կուլտուրայի ձևավորում
• հանդիսատես – կատարող կապի ստեղծում,
• համերգային կանոններին գիտակ ունկնդրի ձևավորում,
• ազգային, հոգևոր և դասական նյութի յուրացում,
• ստեղծագործական երևակայության զարգացում:
• երաժշտության, պարի միջոցով հաղորդակից դարձնել ազգային մշակույթին, նպաստել դրա յուրացմանը,
• երաժշտարվեստի  զարգացում:

Ընթացքը

Սովորողներին ուսուցանել ծրագրային երգեր, ազգային պարեր: Երգերը սովորողների օգնությամբ բեմականացնել, խաղալ, կատարել հարվածային, շրխկան, «բնական նվագարաններով»: Նախօրոք տնօրենին տեղեկացնել նախագծով իրականացվող դաս-համերգի մասին, պայմանավորվել դասարանի դասվարի, նախակրթարանի դաստիարակի հետ: Կազմած ծրագրով կատարել գործերը՝ հնարավորինս կատարման մեջ ներքաշելով հանդիսատեսին: Անկաշկանդ, անմիջական մթնոլորտ ստեղծելու համար հանդիսատեսը պետք է դառնա նաև կատարող: Դրա համար նախօրոք հանդիսատեսն էլ է պատրաստվում և կատարում իր տարիքին համապատասխամ ծրագրային ստեղծագործություններ:

Համերգը կարելի է կառուցել երգերի, պարերի, ունկնդրման համար նախատեսված ստեղծագործությունը շրխկաններով, «բնական նվագարաններով» ուղեկցելու վրա:

Արդյունքը

Արդյունքում սանը, սովորողը

• կլինի ուշադիր ունկնդիր,
• կիմանա ինչպես կատարողին, այնպես էլ ունկնդրին ներկայացվող պահանջները,
• կկարողանա այլ վայրերում իրականացվող համերգներին լիարժեք մասնակից լինել:

Աղբյուրը՝ Մարինե Մկրտչյանի բլոգ