Թումանյանը և երաժշտությունը

 Հովհաննես Թումանյանի երկերի հիման վրա գրվել է 128 կոմպոզիտորի 139 երաժշտական ստեղծագործություն:

Աղբյուրը` Երաժշտության ուսումանական կենտրոնի բլոգ

Թումանյանը երաժշտության մասին

• Երաժշտությունը  արվեստների մեջ էն կախարդ ուժն է, որ անմարմին արտահայտություններով կարողանում է անմիջականորեն և միանգամայն տիրել մարդու բովանդակ գոյությանը, նրա մարմնին ու հոգուն՝ և տիրաբար տանել, ուր որ կամենա։
• Բանաստեղծը միայն մարմին է տալիս իր մտքերին ու զգացմունքներին և իր ոգևորություններով կենդանության շունչ է շնչում նրան, որ նա ապրի մշտապես, բայց որ նա թռչի, դրա համար նրան թևեր են հարկավոր, իսկ թևեր առնել նա կարող է միայն էն կախարդական աշխարհքում, որ կոչվում է երաժշտություն:

 Երաժիշտները Թումանյանի մասին

• Հովհաննես Թումանյանի գրեթե բոլոր գրվածքները կարելի է այս կամ այն ձևով երաժշտության վերածել, այնքան տրամադրող ու հնչուն են դրանք։ Մեր բանաստեղծներից և ոչ մեկը այնքան չի օգտագործվել կոմպոզիտորների կողմից, որքան Հովհաննես Թումանյանը։ 

Արմեն Տիգրանյան

• Թումանյանի պոեմներից առաջացած հիացմունքից չեմ կարողանում ազատվել. փափագում եմ ինչքան կարելի է շուտ սկսել Թմկաբերդի իշխանուհու մասին օպերան:

              Ալեքսանդր Սպենդիարյան

Թումանյանի երաժշտության մեջ

1.Կաքավի գովքը-Կոմիտաս

2.Կոտ ու կես-ժող. երգ

3. Աղվեսն էկավ-ժող. երգ

4.Խնոցի-ժող. երգ

5. Բարի լույսի զանգեր զարկին

6. ԱԽ, ի՜նչ լավ է-Հ. Թումանյան

7.« Համբարձում յայլա»–հատված «Անուշ» օպերայից, Ա. Տիգրանյան

8.«Ամպի տակից ջուր է գալիս»–հատված «Անուշ» օպերայից, Ա. Տիգրանյան

9. «Աշուն»-ռոմանս, Ռոմանոս Մելիքյան

10.« Վարդը»–ռոմանս, Ռոմանոս Մելիքյան

11.«Վարդը»- Ռոմանոս Մելիքյան, ջազ  մշակում

12.«Կիկոսի մահը»-Բամբիռ

13. «Պարսկական քայլերգ»– հատված «Ալմաստ» օպերայից, Ալ. Սպենդիարյան